डोसा किंवा इडली हलकी होण्यासाठी डाळीबरोबर थोडे पोहे भिजवावेत.
डोसा किंवा इडलीचे पीठ शिल्लक राहिल्यास ते आंबट होऊ नये म्हणून २/३ हिरव्या मिरच्या टाकून ठेवाव्यात.
पकोडे, भजी करताना पिठात कॉर्नफ्लोर टाकावे. तेल कमी वापरले जाते आणि भजी कुरकुरीत होतात.
लिंबाचे दोन भाग करून फ्रिजमध्ये ठेवून द्यावे. फ्रिजमधील सर्व नकोसे वास शोषले जातात.
कापसाच्या बोळ्यावर थोडा व्हॅनिला इसेन्स टाकून फ्रिजमध्ये ठेवावे. फ्रिजमध्ये मंद सुगंध दरवळत राहतो.
महिन्यातून एकदा थोडे मीठ मिक्सरमध्ये घेऊन बारीक वाटावे. त्यामुळे मिक्सरच्या ब्लेडची धार कायम राहते आणि मीठ पण बारीक मिळते.
दालचिनी किंवा वेलचीची पूड करता त्यात थोडी साखर टाकावी पूड पटकन होते.
सायीचे ताक मिक्सरमधून काढल्यास लोणी जास्त निघते व ताक पातळ होते व सायीचा चोथा लागत नाही.
दहीवडय़ासाठी दही लावताना दुधात साखर विरघळून विरजण लावावे.
तूप कढवून झाले की तुपाच्या भांडय़ात पाणी घालून गरम करून गाळून घ्यावे व या पाण्यात भात शिजवावा किंवा आमटीत, कणिक भिजवताना घालावे. तुपाचा वास चांगला येतो. जास्त पाणी उकळून घेऊ नये. बेरीचा आंबटपणा उतरेल.
पावसाळ्यात काडेपेटय़ा कोरडय़ा राहण्यासाठी काडेपेटीत तांदळाचे ७ ते ८ दाणे टाकून ठेवावेत. काडेपेटय़ा दमट होत नाही.
कांदा भजी करताना बेसनाच्या पिठात पाव प्रमाणात रवा मिसळावा त्याचप्रमाणे थोडा कोबी घालावा. त्यामुळे भजी कुरकुरीत तर होतातच पण कोबीमुळे जीवनसत्त्वेही मिळतात.
इडलीचे पीठ भिजवताना सोडा किंवा बेकिंग पावडर न टाकता कांद्यावरचा पापुद्रा काढून धुवून तो या पिठात बुडवून ठेवा. पीठ छान आंबते व इडली चांगली हलकी होते.
दुधाच्या पावडरची पेस्ट करून कुकरमध्ये २ शिटय़ा करून घ्याव्यात म्हणजे गार झाल्यावर खवा तयार होतो
No comments:
Post a Comment
Note: Only a member of this blog may post a comment.