Swav's Shevya Upma

Raj tried Swav's this recipe

Whole wheat Roasted Sevai - Bambino or MTR brand is good.

भांड्यात तेलावर फोडणी यात :  उडीद डाळ, मोहोरी, हिरवी मिरची तुकडे + कढीपत्ता

फोडणीवर कांदा लालसर परतून घ्यायचा

मग पाणी घालायचे आणि उकळायचे ( अंदाजे पाणी तुमची फोडणी, भाज्या - ज्या मी तरी पाणी उकळायला सुरूवात झाल्यावर घालते - आणि अख्ख पाकीट शेवया, या सगळ्याला मिळून एक लीटर पेक्षा कमी पाणी लागेल )

पाणी आधीच खूप घालायचं नाही, जर कमी पडतंय वाटलं तर वाढवायचं

पाणी उकळायला लागल्यावर त्यात टोमॅटो, भोपळी मिरची - पिवळी / हिरवी / लाल चे छोटे तुकडे, चवीनुसार मीठ घालायचं.

हे सगळं उकळायला लागलं खळखळून की त्यात शेवया घालायच्या, हे नीट उकळलं की त्यात हिरवे वाटाणे - ते पट्कन शिजतात म्हणून शेवटी टाकते मी.

आता जरा तिखट - मीठ बघायचं

जर मीठ जास्त झालं असेल तर साखर किंवा ओला नारळ घालायचा

या मिश्रणाला भरपूर उकळी यायला लागली की - शेवया शिजायला लागल्यायत पण सगळ्या भाज्या त्या पाण्यात नीट फिरतात, उकळत असल्याने

अशा वेळी भांड्यावर झाकण ठेऊन, अगदी मंद आचेवर 6-7 मिनीटे शांत शिजू द्यायचं, सारखं हलवायचं नाही

मंद आचेवर ठेवल्याने भाजलेल्या शेवया नीट शिजतात, पाणी शोषून घेतात पण लगदा न होता मोकळ्या रहातात

गॅस बंद केल्यावर पण एकदा नीट हलून घ्यायचं जरा वाफ निघून जाऊ द्यायची

गॅसवरून काढल्यावर परत 5- 6 मिनिटं तसंच नीट झाकण लावून ठेवायचं

नंतर खायचं पटापट किंवा डब्यात भरायचं

कधी कधी यात हिरवे वाटाणे घालायच्या ऐवजी मशरूम किंवा  boneless chicken चे छोटे तुकडे पण घालते मी , खूप मस्त चवीचं आणि एकदम nutricious पदार्थ 15 मिनिटात करता येतो , भाज्या कापायला कदाचित अजून 5-6 मिनिटं लागतील कदाचित